افغانستان میں بم دھماکوں اور فائرنگ سے 23 افراد جاں بحق
Aug ۰۶, ۲۰۲۰ ۱۰:۴۳ Asia/Tehran
افغانستان کے مختلف صوبوں میں ہونے والے بم دھماکوں اور دہشتگردانہ واقعات میں 23 افراد جاں بحق اور درجنوں زخمی ہوگئے۔
آوا خبر رساں ایجنسی کی رپورٹ کے مطابق افغانستان کے شمال مغربی صوبے بغلان میں بدھ کو طالبان کے حملے میں کم سے کم 12 لوگوں کی موت ہوگئی۔
در ایں اثناء صوبہ نیمروز کے علاقے خاش میں بھی ایک بم دھماکہ ہوا جس میں 8 افراد جاں بحق اور ایک زخمی ہو گیا۔
اُدھر باد غیس صوبے سے بھی دھماکوں اور دہشتگردانہ حملوں کی خبریں موصول ہوئی ہیں جن میں کم از کم 3 افراد جاں بحق اور 22 زخمی ہوگئے۔
ابھی مذکورہ حملوں کی مزید تفصیلات موصول نہیں ہوئی ہیں۔
