عراق میں داعش کے 6 دہشتگرد ہلاک 6 خفیہ ٹھکانے تباہ
Oct ۰۷, ۲۰۲۰ ۰۹:۳۳ Asia/Tehran
عراق کی مسلح افواج کے ترجمان نے کہا ہے کہ صوبہ نینوا میں داعش کے 6 دہشتگرد ہلاک کر دئے گئے ہیں۔
موازین نیوز کے مطابق عراق کی مسلح افواج نے عوامی رضا کار فورس الحشد العشائر کی مدد سے الهیتاویین اور الثرثار کو داعش دہشتگردوں کے چنگل سے آزاد کرا لیا ہے۔
عراقی فورسز نے اسی طرح صوبہ الانبار میں داعش کے 6 خفیہ ٹھکانوں، 2 ٹنل اور ہتھیاروں کے 2 گوداموں کو تباہ کر دیا ہے۔
عراق میں داعش کی شکست کے بعد بھی بعض علاقوں میں اس کے باقیات موجود ہیں جو وقفے وقفے سے دہشتگردانہ کارروائیاں انجام دیتے رہتے ہیں۔
