اسرائیل سے تعلقات کی خواہش بھی اور قتل کردیئے جانے کا خوف بھی ؛ بن سلمان کا دعوی
اسرائیلی- امریکی ثروت مند شخص ہایم سابان نے دعوی کیا ہے کہ سعودی ولیہعد محمد بن سلمان نے ان سے کہا ہے کہ اگر وہ اسرائیل کے ساتھ معاہدہ کرتے ہیں تو خود ان کے ہی لوگ انہیں قتل کر دیں گے۔
اسرائیلی اخبار ہارٹس کی رپورٹ کے مطابق محمد بن سلمان نے اپنے اسرائیلی- امریکی دوست کے ساتھ ملاقات میں یہ دعوی کیا کہ اگر وہ متحدہ عرب امارات اور بحرین کی پیروی کرتے ہیں تو ایران، قطر یا خود ان کے لوگ ہی ان کو قتل کر دیں گے۔
امریکا میں ڈیموکریٹک امیدوار جو بائیڈن کے حامی سابان نے بدھ کے روز فلوریڈا میں ایک انتخاباتی مہم کے دوران یہ دعوی کیا۔
سابان کا یہ بھی کہنا تھا کہ اسرائیل اور عرب ممالک کے درمیان تعلقات کو معمول پر لانے کے معاہدے میں امریکی صدر ڈونلڈ ٹرمپ کا کچھ زیادہ کردار نہیں ہے بلکہ ان کے داماد جیئرڈ کوشنر نے اس میں اہم کردار ادا کیا ہے۔
سوڈان پر اسرائیل کے ساتھ روابط کی برقراری کیلئے امریکہ کا دباؤ ایسے میں جاری ہے کہ جب سوڈان کی مجمع فقہ اسلامی نے اسرائیل کے ساتھ ہر قسم کے تعلقات کو حرام قرار دیا ہے۔
واضح رہے کہ متحدہ عرب امارات اور بحرین نے 13 اگست کو اسرائیلک ے ساتھ تعلقات کو معمول پر لانے کے لئے ایک سمجھوتے پر دستخط کئے جس کی عالمی سطح پر سخت مذمت کی گئی۔
