SAHAR

عراق کی رضاکار فورس الحشدالشعبی نے مشرقی صوبے دیالہ میں داعش کا ایک بڑا نیٹ ورک تباہ کر دیا۔

عراق کے صوبہ دیالہ میں الحشد الشعبی کے کمانڈر طالب موسوی نے کہا ہے کہ تیئیسویں بٹالین اور انٹیلیجنس شعبے نے خانقین کے علاقے میں ایک کارروائی کر کے داعش دہشتگردوں پر کاری ضرب لگائی ہے۔

الموسوی کا کہنا ہے کہ ان کارروائیوں کے دوران بڑی مقدار میں اسلحہ اور فوجی ساز و سامان بطور مال  غنیمت حاصل ہوا ہے۔ صوبہ دیالہ کے بعض علاقوں میں داعش دہشتگردوں کے ہاتھوں سیکورٹی اہلکاروں، عام شہریوں، مقامی شخصیتوں اور قبائل پر حملے کئے جاتے رہے ہیں۔

الحشدالشعبی اور عراق کے دیگر سیکورٹی اہلکاروں نے صوبہ الانبار، صلاح الدین اور دیالہ میں کئی بڑی کارروائیاں انجام دی ہیں۔