امارات کا مذاق اڑانے کے بعد صیہونی سیاحوں کا پہلا ٹولہ ابو ظہبی پہنچا+ ویڈیو
کچھ غدار عرب ممالک نے اسرائیل کے ساتھ تعلقات معمول پر لانے کے معاہدے پر دستخط تو کر دیئے ہيں لیکن صیہونیوں کی جانب سے عرب ممالک اور عالم اسلام کی توہین کا سلسلہ جاری ہے۔
متحدہ عرب امارات اور اسرائیل کے درمیان نام نہاد صلح معاہدہ ہوا اور اس کے تحت صیہونیوں کا پہلا ٹولہ ابو ظہبی انٹرنیشل ائیرپورٹ پر پہنچا۔
صیہونی سیاحوں کے اس ٹولے کے کیمرے کے سامنے اپنے پاسپورٹ دیکھائے اور دو انگلیاں اٹھا کر اپنی فتح کا اعلان کیا۔
یہ پہلی بار نہیں ہے کہ جب صیہونی ٹولے نے عرب ملک متحدہ عرب امارات کا مذاق اڑایا ہے۔
اس سے پہلے بھی صیہونی ٹولے کے چینل ۱۲ نے امارات اسرائیل نام نہاد صلح معاہدے کے بارے میں ایک ویڈیو نشر کر کے اماراتی ولیعہد بن زائد کا مذاق اڑایا تھا۔
اس ویڈیو میں دو لوگوں کو دکھایا گیا ہے جس میں ایک صیہونی وزیر اعظم نتن یاہو ہے جبکہ دوسرا اماراتی ولیعہد بن زائد ہے جو ایک عاشق جوڑے کی شکل میں ایک دوسرے کے قریب بیٹھے ہوئے امن و صلح کے بارے میں ایک گانا گا رہے ہیں۔ عجیب بات یہ کہ ان دونوں کو ایک جنگی جہاز ایف- ۳۵ کے اوپر بیٹھے دکھایا گیا ہے اور دونوں طیارے پر بیٹھے بار بار ’’نئی صلح، نیا جہاز‘‘ دہرا رہے ہیں۔
اسکے علاوہ یہ کہ اس فلم میں ایک اور چبھتا ہوا اشارہ کیا گیا ہے جس میں دبئی کو غزہ کے اطراف میں بسی غیر قانونی صیہونی بستیوں سے تشبیہ دی گئی ہے اور کہا گیا ہے کہ غاصب صیہونی ٹولہ دبی کے اطراف میں رہنے والوں کے لئے بھی امن و سلامتی کا پیغام لے کر آئے گا!
یہ جملہ در حقیقت اس بات کی طرف اشارہ ہے کہ غاصب صیہونی حکومت غزہ کی سرحدوں کے قریب بسی صیہونی بستیوں کی سکیورٹی کو ہی فراہم کرنے میں ناکام رہی ہے اور اب تک وہ فلسطینی راکٹوں کا مقابلہ کر کے غاصب صیہونیوں کے تحفظ کو یقینی نہیں بنا سکی ہے!
ایک طرف جنگی طیارے کے اوپر بیٹھ کر امن و صلح کے بارے میں گانا گانا اور دوسری طرف بن زائد کو ایک دلربائی کرتی خاتون کی شکل دینا، یہ وہ باتیں ہیں جن سے صاف ظاہر ہوتا ہے کہ غاص صیہونی ٹولے نے اماراتی شہزادے کا مذاق اڑایا تھا۔
صیہونی ٹولے کی جانب سے عرب ممالک خاص طور پر متحدہ عرب امارات کا مذاق ایسی حالت میں اڑایا جا رہا ہے کہ غاصب صیہونی حکومت کے ساتھ تعلقات کی بحالی کے لئے عرب اور بعض اسلامی ممالک میں ہوڑ لگ چلی ہے کہ صیہونی حکومت برسوں سے فلسطینیوں کی سرکوبی کے علاوہ بہت سے عرب اور مسلم علاقوں پر غاصبانہ قبضہ جمائے ہوئے ہے۔
