جنرل سلیمانی، مزاحمتی محاذ اور عالم اسلام کے شہید ہیں: حزب اللہ
لبنان کی اسلامی مزاحمتی تحریک حزب اللہ کے نائب سکریٹری جنرل نے جنرل قاسم سلیمانی کو مزاحمتی محاذ اور عالم اسلام کا شہید قرار دیا ہے۔
شیخ نعیم قاسم نے پیر کے روز اپنے ایک مقالے میں شہید قاسم سلیمانی کو تجربہ کار اور دور اندیش کمانڈر قرار دیا۔
ان کا کہنا تھا کہ وہ پورے منصوبے کے ساتھ دشمنوں کے خلاف آپریشن شروع کرکے اس میں کامیابی حاصل کرتے تھے۔
سید حسن نصراللہ کے نائب نے جنرل قاسم سلیمانی کو ایک ماہر، سمجھدار اور تجربہ کار سیاست داں قرار دیتے ہوئے کہا کہ اسی کے ساتھ وہ مقامی، علاقائی اور عالمی حالات سے بھی اچھی طرح واقف تھے۔
شیخ نعیم قاسم کا کہنا تھا کہ شہید سلیمانی باتوں کی گہرائی کو سمجھنے والے بہت ہی دور اندیش انسان تھے۔
دوسری جانب حزب اللہ لبنان کے سائبر میڈیا شعبے کے سربراہ حسین ریحالا نے شہید جنرل قاسم سلیمانی کی شہادت کی برسی کے موقع پر کہا کہ شہید قاسم سلیمانی نہ صرف ایک مجاہد تھے بلکہ ایک ماہر اور تجربہ کار سیاست داں بھی تھے۔
انہوں نے جنرل قاسم سلیمانی کو ایسا شخص قرار دیا جو علاقے کے عوام کی خصوصیت اور رسم و رواج سے اچھی طرح واقف تھے نیز مشرق وسطی کی تبدیلیوں اور حالات پر ان کی گہری نظر تھی۔
