امریکہ اور اسرائيل نے ایران پر جارحیت کی تو ہم غیر جانبدار نہیں رہیں گے: حزب اللہ لبنان

Jan ۲۷, ۲۰۲۶ ۱۳:۴۴ Asia/Tehran

حزب اللہ لبنان کے سیکریٹری جنرل شیخ نعیم قاسم نے دو ٹوک الفاظ میں کہا ہے کہ اگر امریکہ اور اسرائيل نے ایران پر جارحیت کی تو ہم غیر جانبدار نہیں رہیں گے۔

سحرنیوز/عالم اسلام: بیروت سے ارنا کی رپورٹ کے مطابق یہاں ایران اور رہبر انقلاب اسلامی کی حمایت میں منقعدہ عظیم الشان عوامی اجتماع سے خطاب کرتے ہوئے حزب اللہ لبنان کے سیکریٹری جنرل شیخ نعیم قاسم نے کہا کہ رہبر انقلاب اسلامی امام خامنہ ای ہمارے سپریم لیڈر ہیں اور ہم ایران کے خلاف کسی بھی جارحیت کی صورت میں غیر جانبدار نہیں رہیں گے۔

انہوں نے کہا کہ ہم یہاں اسلامی جمہوریہ ایران اور اس کے ہردلعزیز رہنما امام سید علی خامنہ ای سے یکجہتی کے اظہار کے لیے جمع ہوئے ہیں۔

ہمیں فالو کریں:

شیخ نعیم قاسم نے کہا کہ ٹرمپ جان لیں کہ وہ صرف آيت اللہ العظمیٰ خامنہ ای کو نہیں بلکہ دنیا بھر میں موجود ان کے لاکھوں پیروکاروں کو جان کی دھمکی دے رہے ہیں اور یہ کہ ایران کے خلاف جنگ پورے خطے کو اپنی لپیٹ میں لے لے گی۔