SAHAR

شام نے چین اور گروپ ستتر کے ملکوں سے اپیل کی ہے کہ وہ بیرونی قوتوں کے قبضے اور قدرتی ذخائر کی لوٹ مار ختم کرانے کے لیے دمشق کی مدد کریں۔

اقوام متحدہ میں شام کے مستقل مندوب اور نائب وزیر خارجہ بشار الجعفری نے گروپ ستتر جمع چین کے اجلاس سے خطاب کرتے ہوئے کہا کہ ہمیں اپنے ملک کے قدرتی ذخائر کی چوری اور بیرونی قبضے کے خاتمے کے لیے گروپ ستتر جمع چین سے موثر تعاون کی امید ہے۔

دنیا کے ستتر ترقی پذیر ملکوں کے گروپ کا قیام سن انیس سو چونسٹھ میں، سوئزرلینڈ میں عمل میں آیا اور اس کا ہیڈکوارٹر نیویارک میں ہے۔ اس گروپ کے ارکان کی تعداد اس وقت ایک سو چھتیس تک پہنچ گئی ہے اور اسے اقوام متحدہ کا سب سے بڑا اور طاقتور گروپ سمجھا جاتا ہے۔