ترکوں کے قتل کی مشروط مذمت پرانقرہ میں امریکی سفیر کی کچھائی
امریکہ کا مشروط مذمتی بیان مضحکہ خيز ہے: صدر اردوغان
غیر ملکی خبر رساں ادارے کے مطابق گزشتہ روز عراق میں ترک اہلکاروں کے قتل کے بعد ترکی نے یہ موقف اختیار کیا تھا کہ ترک اہلکاروں کے اغوا اور قتل میں کرد باغی تنظیم کردستان ورکرز پارٹی(پی کے کے) ملوث ہے تاہم امریکہ نے اس واقعے کی مشروط مذمت کی ہے۔
امریکی بیان میں کہا گیا تھا کہ اگر اس بات کی تصدیق ہوجاتی ہے کہ ترک شہریوں کو مبینہ طور پردہشت گرد تنظیم پی کے کے ہی نے قتل کیا ہے تو ہم اس اقدام کی شدید ترین مذمت کرتے ہیں۔
امریکہ کی جانب سے یہ بیان جاری ہونے پر ترک صدر طیب اردوغان نے سخت ردعمل ظاہر کرتے ہوئے اسے دہشت گردوں کی طرف داری کے مترادف قرار دیا۔ انہوں نے کہا کہ اس واقعے پر امریکہ کا بیان مضحکہ خیز ہے۔
صدر اردوغان نے کہا کہ اس معاملے پر دو ہی راستے ہیں کہ آپ کسی پس و پیش کے بغیر ترکی کے ساتھ کھڑے ہوجائيں بصورت دیگرآپ ایسے ہر قتل و غارت میں شریک جرم تصور ہوں گے۔
