SAHAR

افغانستان کے صدر کے سابق مشیر کو منشیات کی اسمگلنگ کے جرم میں چوبیس سال قید کی سزا سنائی گئی ہے۔

افغانستان کی آوا نیوز ایجنسی کی رپورٹ کے مطابق افغان صدر اشرف غنی کے ایک سابق مشیر مختار رشیدی کو گذشتہ برس منشیات کی اسمگلنگ کے الزام میں گرفتار کیا گیا تھا۔

مختار رشیدی اور ان کے ساتھی عرب اور مغربی ممالک میں منشیات اسمگل کرتے تھے۔

امریکہ اور اس کے اتحادیوں نے افغانستان میں دہشتگردی کے خلاف جنگ اور قیام امن کے بہانے سال دوہزار ایک سے اس ملک پر قبضہ کر رکھا ہے۔ افغانستان پر امریکی قبضے کے باعث اس ملک کا اقتصادی ڈھانچہ تباہ ہو چکا ہے جبکہ بدامنی، دہشتگردی اور منشیات کی اسمگلنگ میں اضافہ آسمان کو چھو رہا ہے۔