SAHAR

افغانستان کے صوبہ قندھار میں ہونے والے دھماکے میں پانچ افراد ہلاک ہوگئے ہیں

کابل سے ہمارے نمائندے کی رپورٹ کے مطابق افغانستان کے صوبہ قندھار کی پولیس نے بدھ کو کہا ہے کہ یہ دھماکا اس وقت ہوا جب ایک مسافر بس ضلع میوند میں سڑک کے کنارے نصب بارودی سرنگ کے قریب سے گذر رہی تھی۔

اس دھماکے کے نتیجے میں بیس افراد زخمی بھی ہوئے ہیں جن میں بچے اور خواتین بھی ہیں۔ دوسری جانب افغانستان کی وزارت دفاع نے صوبہ ہلمند اور چند دیگر شہروں میں انسٹھ طالبان کو ہلاک کئے جانے کی خبردی ہے۔ افغان آوا نیوز کی رپورٹ کے مطابق فوج نے صوبہ ہلمند کے نہرسراج ، گرمسیر ، ناوہ ، نادعلی اضلاع اور اس صوبے کے صدر مقام شہر لشکر گاہ میں طالبان کے اڈوں کو نشانہ بنایا ۔