افغانستان، قندھار میں ہندوستانی قونصل خانے پر طالبان کا قبضہ
Jul ۱۲, ۲۰۲۱ ۲۳:۰۰ Asia/Tehran
سفارتی آداب کا خیال رکھے جانے کے وعدوں کے باوجود طالبان ہندوستانی قونصل خانے میں گھس گئے
افغانستان کے شہر قندھار میں قائم ہندوستانی قونصل خانے پر طالبان نے قبضہ کرلیا ہے۔
طالبان کی جانب سے ہندوستانی قونصل خانے پر قبضے کی خبر ایک ایسے وقت سامنے آئی ہے جب طالبان لیڈروں نے تمام سفارتی آداب اور ڈپلومیٹک امور کی پابندی کا عزم ظاہر کیا تھا۔
میڈیا کے مطابق افغانستان کے دوسرے بڑے شہر قندھار میں قائم ہندوستانی قونصل خانے پر طالبان نے قبضہ کرنے کے بعد اس کی ویڈیو بھی جاری کردی ہے، ویڈیو میں طالبان کو قندھار میں ہندوستانی قونصل خانے کے مختلف حصوں میں جاتے دیکھا جاسکتا ہے۔
خیال رہے کہ قندھار میں قائم قونصل خانے کو ہندوستان نے بند کردیا ہے اور عملے کو بھی واپس بلا لیا ہے۔
ہندوستان کی جانب سے طالبان کے اس اقدام کے سلسلے میں کوئی ردعمل سامنے نہيں آیا ہے۔
