سعودی عرب کے الامیر سلطان اڈے پر امریکی جنگی طیاروں کی تعیناتی
Jul ۲۱, ۲۰۲۱ ۲۱:۰۲ Asia/Tehran
پریس ذرائع نے رپورٹ دی ہے کہ امریکہ نے سعودی عرب کے الامیر سلطان ایربیس پر اپنے ایف سولہ جنگی طیارے تعینات کر دیئے ہیں۔
رشا ثوڈے کی رپورٹ کے مطابق مغربی ایشیا میں امریکی دہشت گرد فوج سینٹ کام کے کمانڈر نے اپنے ایک ٹوئٹ میں ان جنگی طیاروں کی تصویر شیئر کرتے ہوئے دعوی کیا ہے کہ امریکہ کے اس اقدام کا مقصد علاقے میں جارحیت کی روک تھام اور امن و استحکام کو فروغ دینا ہے۔
واضح رہے کہ الامیر سلطان، ریاض کے جنوب میں امریکہ کا اہم ترین فوجی اڈہ ہے۔
سینٹ کام کے کمانڈر نے حال ہی میں اعلان کیا ہے کہ یمنی عوام کے خلاف جنگ میں سعودی عرب کی مدد و حمایت کرنا واشنگٹن کی بدستور ترجیحات میں سے ہے۔
قابل ذکر ہے کہ یمنی عوام کے خلاف جنگ میں امریکہ کی جانب سے سعودی اتحاد کی حمایت ہی اس غریب اسلامی و عرب ملک یمن کی جنگ اتنی طویل ہونے کا باعث بنی ہے۔