صیہونی چھاونی پر راکٹ حملے+ ویڈیو
لبنان سے مقبوضہ فلسطین میں صیہونی چھاونی پر متعدد راکٹ فائر کئے گئے جس کے بعد سائرن کی آوازیں آنے لگی۔
فارس نیوز ایجنسی کی رپورٹ کے مطابق صیہونی میڈیا نے مقبوضہ جولان اور مقبوضہ فلسطین کے الجلیل علاقوں میں راکٹ حملے کے بعد سائرن بجنے کی اطلاع دی ہے۔
الجزیرہ سمیت متعدد میڈیا چینلز نے جنوبی لبنان کے مزارع شبعا میں دھماکوں کی آوازیں بھی سنائی دینے کی خبر دی ہے۔
رپورٹ میں بتایا گیا ہے کہ مزارع شبعا کے مقبوضہ علاقے میں واقع فوجی چھاونی پر متعدد راکٹ حملے ہوئے ہیں۔ صیہونیوں کا کہنا ہے کہ ہاردوف فوجی چھاونی پر راکٹ حملہ ہوا ہے۔
المیادین چینل نے بھی صیہونی میڈیا کے حوالے سے خبر دی ہے کہ شام کے جولان کے علاقے میں راکٹ فائر ہوئے ہیں۔
لیکن روئٹرز نے لبنان کے ایک سیکورٹی ذریعے کے حوالے سے بتایا کہ یہ راکٹ جنوبی لبنان کے العرقوب علاقے سے مقبوضہ فلسطین کی جانب فائر ہوئے ہيں۔
