الجزائر کے دو صوبوں میں ہولناک آتشزدگی
Aug ۱۱, ۲۰۲۱ ۱۰:۰۲ Asia/Tehran
الجزائر میں 72 مقامات پر بیک وقت آتشزدگی کے واقعات پیش آئے ہیں جنہیں حکومت نے تخریبی کاروائی کا نتیجہ قرار دیا ہے۔
الجرائر کے وزیر داخلہ نے کہا ہے کہ اتنے بڑے پیمانے پر آتشزدگی تخریبی کاروائی کا نتیجہ ہے کہ جس کی تحقیقات کے احکامات جاری کر دیئے ہيں۔
فارس نیوز ایجنسی کی رپورٹ کے مطابق شہریوں کی جان بچانے کی کاروائی کے دوران کم از کم 25 سرکاری اہلکار اپنی جان سے ہاتھ دھو بیٹھے ہیں۔
الجزائر کے وزیر داخلہ عبد المجید تبون نے منگل کے روز اپنے ایک بیان میں بیک وقت 72 مقامات پر آتشزدگی کی خبر دی ہے۔ ان کا کہنا تھا کہ ملک کے شمالی اور مشرق صوبوں "تیزی وزو" اور "بجایہ" میں واقع جنگلات میں آگ لگنی شروع ہوئی ہے جو تخریبی کاروائی کا شاخصانہ ہے۔
ان کا کہنا تھا کہ اس سلسلے میں تحقیقات شروع کر دی گئیں ہیں۔
