SAHAR

شمال مشرقی شام کے صوبے الحسکہ کے جنوب میں واقع شہر الشدادی میں امریکی فوجی اڈے پر راکٹ حملہ ہوا ہے۔

رپورٹ کے مطابق یہ راکٹ حملہ، جمعرات کو ہوا جس کے ذریعے الجبسہ آئل فیلڈ میں امریکی فوجی مرکز کو نشانہ بنایا گیا۔

پریس ذرائع نے اس حملے کو گذشتہ ایک ماہ کے دوران امریکی فوج اڈے پر اپنی نوعیت کا دوسرا راکٹ حملہ قرار دیتے ہوئے اعلان کیا ہے کہ اس حملے کے ساتھ ہی شہر الشدادی میں شدید دھماکے کی آواز سنائی دی۔

رپورٹ کے مطابق امریکی فوجی مرکز پر یہ راکٹ حملہ، شہر الشدادی کے شمال مغربی علاقے سے ہوا جو اس وقت رہائشیوں سے خالی ہے۔ اس حملے کے بارے میں خدشہ ظاہر کیا جا رہا ہے کہ عرب قبائل کی جانب سے یہ حملہ کیا گیا ہے۔