صیہونیوں کی مسجد الاقصی میں ہجوم کی کوشش، فلسطینیوں نے اجتماع کی کال دی
Oct ۱۲, ۲۰۲۱ ۰۷:۴۰ Asia/Tehran
مسجد الاقصی میں صیہونیوں کے ہجوم کو ناکام بنانے کے لئے فلسطینی تنظیموں نے سبھی فلسطینیوں سے مسجد الاقصی کے صحن میں دھرنا دینے کی اپیل کی ہے۔
فارس نیوز کے مطابق، انتہا پسند صیہونی گروہ الہیکل نے پیر کے روز سوشل میڈیا کے ذریعہ صیہونیوں سے منگل کے روز مسجد الاقصی کے صحن میں بڑے پیمانے پر ہجوم کرنے کی اپیل کی ہے۔
غیر قانونی طور پر بسائے گئے 132 صیہونی پیر کے روز صیہونی پولیس کے ساتھ مسجد الاقصی کے صحن میں داخل ہوکر اشتعال انگیز گشت کر رہے تھے۔
مقبوضہ قدس میں صیہونی عدالت نے ایک ہفتہ پہلے صیہونیوں کو مسجد الاقصی کے صحن میں خاموشی سے دعا مانگنے کی اجازت دی ہے۔
