اسرائیل کی جرأتیں بڑھیں، فلسطینی کنبے کو اپنا ہی مکان مسمار کرنے پر مجبور کر دیا+ ویڈیو
دنیا بالخصوص بڑے بڑے محلوں میں عیاشی کرنے والے عرب حکام کی خاموشی کے درمیان غاصب صیہونی حکومت کی جرأتیں بڑھتی جا رہی ہیں اور اب وہ تمام تر ڈھٹائی کے ساتھ فلسطینی کنبوں کو اپنے ہی ہاتھ سے اپنا مکان مسمار کرنے پر مجبور کر رہی ہے۔
رپورٹ میں بتایا گیا ہے کہ فلسطینی کنبے کا یہ گھر بیت المقدس کے علاقے وادی الجوز میں چالیس سال پہلے بنا تھا لیکن صیہونی حکومت نے اسے اپنے ہاتھوں سے ہی اپنے گھر کو مسمار کرنے پر مجبور کر دیا۔
فلسطینیوں پر دباؤ ڈالنے اور ان کو مہاجرت پر مجبور کرنے کا ایک بڑا حربہ فلسطینیوں کے مکانات کی مسماری ہے۔
مسماری کے احکامات جاری ہونے کے بعد فلسطینیوں کی جانب سے مسماری کا خرچہ نہ ادا کرنے کی وجہ سے انہیں اپنے ہی ہاتھوں سے اپنا گھر مسمار کرنا پڑتا ہے اور چونکہ اب فلسطینیوں کے پاس گھر اور پیسے نہیں ہوتے اسی لئے ان میں سے زیادہ تر اپنے گھر بار چھوڑنے اور مہاجرت پر مجبور ہو جاتے ہیں۔