صیہونی خاخام کا ریاض کی سڑکوں پر رقص
اسرائیل سے شائع ہونے والے اخبار گلوبز نے سعودی عرب اور صیہونی حکومت کے درمیان اقتصادی تعلقات کی برقراری کی خبر دی ہے۔
سعودی لیکس ویب سائٹ کے مطابق اخبار گلوبز نے اپنے جمعرات کے شمارے میں لکھا ہے کہ گزشتہ چند ماہ کے دوران صیہونی حکومت اور سعودی عرب کے درمیان سفارتی تعلقات قائم کرنے کے حوالے سے بات چیت ہوئی ہے۔
اخبار لکھتا ہے کہ اسرائیلی ساختہ اشیا کے لیے سعودی مارکیٹ کے دروازے کھلنا اسرائیلی کمپنیوں کے لیے بہت اہم بات ہے۔
گلوبل کے مطابق، پیر کو سعودی عرب کی پہلی پرواز ریاض سے تل ابیب کے لیے روانہ ہوئی۔ اس کے ساتھ منگل کو تل ابیب سے پہلی پرواز سعودی عرب پہنچی۔
یاد رہے کہ عبرانی زبان کی ایک ویب سائٹ نے حال ہی میں لکھا تھا کہ 27 ستمبر کو امریکی قومی سلامتی کے مشیر جیک سلیوان نے سعودی عرب کا دورہ کیا تھا۔
اس دورے کے دوران، امریکی قومی سلامتی کے مشیر نے ریاض میں محمد بن سلمان سے ریاض اور تل ابیب کے درمیان تعلقات کو معمول پر لانے کے بارے میں بات چیت کی۔
حال ہی میں سعودی عرب کے وزیر خارجہ نے دعویٰ کیا ہے کہ اسرائیل نے خطے میں امن و استحکام کے قیام میں مدد کی ہے۔
