کابل میں بم دھماکہ، متعدد ہلاک و زخمی
افغانستان کے دارالحکومت کابل میں ہونے والے بم دھماکے مین کئی افراد ہلاک و زخمی ہو گئے۔
کابل سے ہمارے نمائندے کی رپورٹ کے مطابق بم کا یہ دھماکہ شہر کے مغرب میں ایک بس کے راستے میں ہوا جس میں متعدد افراد جاں بحق و زخمی ہو گئے۔
اس دہشت گردانہ واقعے کے بارے میں ابھی مزید تفصیلات سامنے نہیں آئی ہیں۔ جمعے کو بھی مشرقی افغانستان کے صوبے ننگرہار میں اسپین غر کے علاقے میں ایک مسجد میں بم دھماکہ ہوا تھا جس میں کئی نمازی شہید و زخمی ہو گئے تھے۔
پندرہ اگست کو افغانستان میں طالبان کے اقتدار میں آنے کے بعد سے اس ملک کی مساجد پر کیا جانے والا یہ چوتھا حملہ ہے۔ پچھلے چند ماہ کے دوران افغانستان کے صوبے ننگرہار، کنر، خوست، کابل ، قندوز اور قندھار میں متعدد دہشت گردانہ حملے اور دھماکے ہوئے ہیں جن کی ذمہ داری دہشت گرد گروہ داعش نے قبول کی ہے۔
یہ ایسی حالت میں ہے کہ افغانستان کی عبوری طالبان انتظامیہ نے ملک میں دہشت گردی کے خاتمے اور داعش کا قلع قمع کرنے کا وعدہ کیا۔
