SAHAR

افغانستان کے سابق صدر حامد کرزئی نے عالمی برادری سے اپیل کی کہ لاکھوں افغان عوام کو بھوک مری سے نجات دلانے کیلئے طالبان کے ساتھ تعاون کیا جائے۔

افغانستان کے سابق صدر حامد کرزئی نے عالمی برادری سے طالبان کے ساتھ مل کر کام کرنے کی اپیل کرتے ہوئے کہا کہ زمینی حقیقت یہ ہے کہ طالبان اب ملک میں حقیقی طاقت ہیں ۔ اس لیے افغان عوام تک پہنچنے اور افغان عوام کو امداد فراہم کرنے کے لیے عالمی برادری کو طالبان کے ساتھ مل کر کام کرنا ہوگا۔

طالبان نے اگست میں افغانستان میں امریکہ اور نیٹو کی برسوں کی فوجی موجودگی ختم ہونے کے بعد اقتدار پر قبضہ کر لیا جس کے بعد سے اس ملک کی اقتصادی صورتحال دن بدن خراب سے خراب تر ہوتی جا رہی ہے۔