SAHAR

افغانستان کے صوبہ ننگرہار میں ایک دھماکے میں نو افغان بچے جاں بحق ہوگئے

افغانستان کے مشرقی صوبے ننگرہار کے سیکورٹی اور اسپتال کے ذرائع نے بتایا کہ یہ دھماکہ پیر کی دوپہر صوبے کے لال پور علاقے میں ہوا جس میں کم سے کم نو افغان بچے جاں بحق اور چار دیگر زخمی ہوگئے-

دھماکہ ایک مارٹر شیل پھٹنے سے ہوا - بتایا جاتا ہے کہ ایک پرانا مارٹر شیل جو نہیں پھٹ سکا تھا اسکولی بچے اسے اسکول کے گیٹ تک لے آئے اور کھانے پینے کے تھیلے کے پاس رکھا ہی تھا کہ اسی وقت اس میں دھماکہ ہوگیا -

افغانستان میں اس طرح کے واقعات اکثر بیشتر ہوتے رہتے ہیں اور غیر ملکی افواج کے ذریعے بچھائے گئی سرنگیں اور پھٹنے سے رہ جانے والے گرینیڈ، مارٹر شیل اور بموں کے پھٹنے سے بےگناہ افغان شہری مارے جاتے ہیں۔