فلسطینی مظاہرین پر اسرائیل کی فائرنگ، 79 فلسطینی زخمی
Feb ۰۵, ۲۰۲۲ ۰۸:۱۱ Asia/Tehran
مقبوضہ فلسطین کے غرب اردن کے مختلف علاقوں میں غاصب صیہونی فوجیوں نے فائرنگ کر کے 79 فلسطینی مظاہرین کو زخمی کردیا۔
فلسطین الیوم کی رپورٹ کے مطابق غاصب صیہونی فوجیوں نے کل غرب اردن کے مختلف علاقوں خاص طور سے نابلس کے بیتا اور بیت دجن میں ہونے والے پر امن مظاہروں کو کچلنے کیلئے ربر کی گولیوں سے فلسطینی شہریوں کو نشانہ بنایا اور آنسو گیس کے شیل داغے جس کے نتیجے میں 79 فلسطینی مظاہرین زخمی ہو گئے۔
اسی طرح نابلس کے جبل صبیح علاقے میں صیہونی فوجیوں کی فائرنگ سے زخمی ہونے والا 18 سالہ نوجوان ہسپتال میں زخموں کی تاب نہ لاتے ہوئے شہید ہوا۔
مقبوضہ فلسطین کے جنوبی علاقے وہ علاقے ہیں جہاں صیہونی حکومت فلسطینیوں کو ترک وطن کرنے پر مجبور کرتی رہی ہے جبکہ فلسطینی عوام ہر ممکن شکل میں اپنی مزاحمت و استقامت کا سلسلہ جاری رکھے ہوئے ہیں ۔
