امت مسلمہ کے لئے سب سے بڑا خطرہ امریکہ و اسرائیل کے ساتھ اتحاد ہے: یمنی رہنما
یمن کی تحریک انصار اللہ کے رہنما و جنرل سکریٹری عبد الملک بدر الدین الحوثی نے انتباہ دیا کہ امت مسلمہ کے لئے سب سے بڑا خطرہ اسکے واقعی دشمن یعنی امریکہ اور اسرائیل کے ساتھ اتحاد ہے۔
امت اسلامیہ کے لئے سب سے بڑا خطرہ امریکہ اور اسرائیل کے ساتھ اتحاد ہے، یہ انتباہ یمن کی قومی حکومت کے نگران اعلیٰ اور تحریک انصار اللہ کے سربراہ سید بدرالدین عبد الملک الحوثی نے دیا ہے۔
المسیرہ ٹی وی کے مطابق سید عبد الملک البدر الدین الحوثی نے الجوبہ اور العبدیہ نامی قبائل کے وفود سے ملاقات میں یہ بات کہی۔ انہوں نے کہا کہ اس وقت دشمن کی کوشش یہ ہے کہ وہ امت اسلامیہ کے اندر سے ہی اپنا اثر و رسوخ بڑھائے اور اسی تناظر میں وہ سعودی عرب اور متحدہ عرب امارات کی حکومتوں کو اپنے مقاصد کے لئے استعمال کر رہا ہے۔
یمنی حکومت کے نگران اعلیٰ کا کہنا تھا کہ ہماری کوشش یہ ہے کہ اُن لوگوں کو آگاہ کیا جائے جو فتنہ پروروں کے بہکاوے میں آکر امریکہ و اسرائیل کی خدمت میں مصروف ہے۔ الحوثی نے مزید کہا کہ جو بھی جنگِ یمن میں سعودی عرب اور عرب امارات کا ساتھ دے گا وہ درحقیقت امریکی و صیہونی اتحادیوں کا ساتھ دے رہا ہے۔
خیال رہے کہ یمن پر مارچ دوہزار پندرہ سے سعودی عرب اور اسکے اتحادیوں کی بہیمانہ جارحیت کا سلسلہ جاری ہے جس کے باعث ایک طرف جہاں لاکھوں یمنی شہری اب تک شہید و زخمی ہو چکے ہیں وہیں دوسری طرف اس ملک کی پچاسی فیصد سے زائد بنیادی تنصیابت تباہ کر دی گئی ہیں اور اس وقت یمن کو صدی کے بدترین انسانی المیہ کا سامنا ہے۔
