لبنان میں صیہونی دہشت گردی کی نئی لہر، شہری علاقوں کو نشانہ بنایا گیا
لبنان کے خلاف دہشت گرد صیہونی ٹولے کی تازہ فضائی جارحیت میں کم از کم چودہ افراد کے شہید و زخمی ہونے کی اطلاعات ہیں۔
سحرنیوز/عالم اسلام: لبنان کے العہد نیوز چینل کے مطابق، صیہونی حکومت کے ایک ڈرون نے برعشیت قصبے میں ایک گاڑی کو نشانہ بنایا، جس کے نتیجے میں ایک شخص شہید اور چار دیگر زخمی ہوگئے۔ ایک اور حملے میں، صیہونی دہشت گردوں نے ایک ڈرون سے شبعا اور راشیا الوادی کے درمیان ایک علاقے میں ایک جیپ کو نشانہ کر دو لبنانی شہریوں کو شہید کر دیا۔
آج صبح بھی صیہونی جنگی طیاروں نے ’بنت جبیل - صف الہوی العام‘ روڈ پر شہید صلاح غندور ہسپتال کے قریب ایک گاڑی کو نشانہ بنایا۔ یہ حملہ دو گائیڈڈ میزائلوں سے کیا گیا جو تقریباً چارسو میٹر کے فاصلے پر گرے اور اس کے نتیجے میں سات لبنانی شہری زخمی ہوگئے۔ ایک اور حملے میں، صیہونی دہشتگردوں نے ایک ڈرون سے میس الجبل قصبے کے الکسایر علاقے پر ایک بم گرایا۔ صیہونی ٹولہ جنوبی لبنان کے سرحدی دیہوی علاقوں پر بڑے پیمانے پر جاسوسی پروازیں انجام دے رہا ہے۔
