SAHAR

طالبان کی عبوری حکومت نے امریکہ سے افغانستان کے عوام کے ساتھ محترمانہ رویہ اختیار کرنے کا مطالبہ کیا ہے۔

طالبان کے نائب وزیر دفاع مفتی لطیف اللہ حکیمی نے ایران پریس کو اپنے خصوصی انٹرویو میں افغانستان کے اثاثے منجمد کرنے پر امریکہ کی مذمت کی اور کہا کہ امریکیوں نے گذشتہ بیس برسوں کے دوران افغان عوام کو ہر طریقے سے ستایا اور ان سے زور زبردستی کی۔

طالبان کی عبوری حکومت کے نائب وزیر دفاع نے کہا کہ امریکی حکام  افغان عوام کے اثاثے منجمد کرنے کے موضوع کو چھپا نہیں سکتے۔

طالبان حکومت کے نائب وزیر دفاع مفتی لطیف اللہ حکیمی نے افغان فوج کے ڈھانچے کے بارے میں کہا کہ ایک مضبوط فوج کی تشکیل کے لئے نئے معیارات ایجنڈے میں شامل ہیں اور فوج کو پاک صاف اور اقدار کا پابند ہونا چاہئے۔