قدس میں ایک فلسطینی شہادت پسندانہ کارروائی میں شہید، صیہونیوں میں خوف
Mar ۰۸, ۲۰۲۲ ۰۷:۲۳ Asia/Tehran
بیت المقدس میں ایک فلسطینی شہادت پسندانہ کارروائی کے دوران شہید ہو گیا۔
عبری میڈیا کے مطابق، بیت المقدس میں مسجد الاقصی کے قریب باب السلسلہ میں ایک فلسطینی نے چاقو سے پلیس پر حملہ کیا، جسے صیہونی پلیس اہلکاروں نے فورا ہی گولی مار کر شہید کر دیا۔ اس فلسطینی کی شہادت پسندانہ کارروائی میں دو صیہونی پلیس اہلکار زخمی ہوئے اور انہیں اسپتال لے جانا پڑا۔
اس واقعے کے بعد قدس میں صیہونی پلیس کے سربراہ نے فوراً ہنگامی اجلاس طلب کرلیا۔
صیہونی پلیس کے ایک عہدیدار نے اخبار یسرائیل ہیوم سے کہا کہ لگتا ہے ہمیں فلسطینیوں کے چاقو سے حملے کی نئی لہر کا سامنا ہے جو پھر سے شروع ہو گئی ہے۔
صیہونی ٹی وی چینل-20 کے مطابق، قدس میں صیہونی پولیس کے سربراہ نے اس جگہہ کا معائنہ کیا، جہاں فلسطینی نوجوان نے شہادت پسندانہ کارروائی کی۔
