الاقصی بریگیڈ کا اسرائیل کو انتباہ، حملوں کا جواب دے کر رہیں گے
فلسطین کی تحریک فتح کی فوجی شاخ الاقصی بریگیڈ نے مقبوضہ غرب اردن کے مختلف علاقوں پر صیہونیوں کے حملوں کا جواب دینے پر تاکید کی ہے۔ الاقصی بريگیڈ نے کہا ہے کہ صیہونییوں کے حملوں کا جواب دیں گے۔
الاقصی بریگیڈ قدس اور غرب اردن کے مختلف علاقوں پر صیہونیوں کے بڑھتے حملوں کے مد نظر، کسی بھی طرح کے حالات کا مقابلہ کرنے کی تیاری کے لئے فوجی مشق منعقد کر رہی ہے۔
الاقصی بریگیڈ کے ترجمان ابو محمد نے کہا کہ غزہ میں الاقصی بريگیڈ کی فوجی مشق سے فلسطینی عوام اور مزاحمتی تنظیموں کے مابین اتحاد ظاہر ہوا اور الاقصی بریگیڈ مقبوضہ غرب اردن میں صیہونیوں کے جرائم کا جواب دے گی۔
جمعے کی نماز کے بعد ہزاروں کی تعداد میں فلسطینیوں نے مظاہرہ کیا اور فلسطینی مزاحمتی تنظیموں نے مسجد الاقصی پر صیہونی پلیس کے حملوں کا جواب دینے کا مطالبہ کیا۔
قابل ذکر ہے کہ جمعے 15 اپریل سنہ 2022 کو علی الصباح مسجد الاقصی میں اعتکاف کر رہے مسلمانوں پر صیہونی پلیس کے کارندوں نے حملہ کیا جس کے دوران 158 فلسطینی زخمی اور 400 گرفتار ہوئے۔
