SAHAR

غاصب صیہونی حکومت کی جارحیت کے جواب میں فلسطینی استقامت نے بھی جوابی کارروائی شروع کردی ہے۔

سحر نیوز/ عالم اسلام: مھر نیوز ایجنسی کی رپورٹ کے مطابق غاصب صیہونی حکومت کی جارحیت کے جواب میں غزہ سے مقبوضہ علاقوں پر جوابی راکٹ حملہ ہوا ہے تاہم ابھی تک اس کی مزید تفصیلات سامنے نہیں آئیں۔ حملے کے بعد غزہ کے آس پاس کے صیہونی علاقوں میں خطرے کا سائرن بجنے کی آوازیں سنی گئی ہیں۔

آج کا یہ راکٹ حملہ جنین کے کیمپ پر صیہونی فوجیوں کی جارحیت اور 7 فلسطینیوں کی شہادت اور متعدد کے زخمی ہونے کے بعد ہوا ہے۔

فلسطینی علاقوں پر غاصب صیہونی حکومت کی وحشیانہ جارحیت کے بعد فلسطین کی تحریک مزاحمت کے مختلف گروہوں نے کہا ہے کہ تحریک مزاحمت کی جانب سے صیہونی حکومت کی جارحیت کا براہ راست جواب دیا جائے گا اور جوابی اقدام کرنے سے گریز نہیں کیا جائے گا۔