SAHAR

حماس کے ترجمان نے صیونی فوج کی جانب سے ہونے والی حالیہ فوجی مشقوں کو مزاحمتی محاذ کی فورسز کے خلاف اس جعلی حکومت کی کمزوری قرار دیا ہے۔

سحرنیوز/عالم اسلام: فلسطینی انفارمیشن مرکز کی رپورٹ کے مطابق حماس کے ترجمان حازم قاسم نے امریکہ کے ساتھ ہونے والی صیہونی فوج کی مشترکہ مشقوں پر ردعمل ظاہر کرتے ہوئے کہا ہے کہ اس کی یہ مشقیں مزاحمتی فورسز کی موجودگی کی صورت میں اس کے کسی کام نہیں آئیں گی۔

انہوں نے مزید کہا کہ ملت فلسطین باقی امت اسلامی کے گروہوں اور تنظیموں کے ساتھ مل کر قابض صیہونیوں کے خلاف آہنی عزم و ارادے کے ساتھ بیت المقدس کی آزادی تک اپنی قانونی اور شرعی مزاحمت کو جاری رکھیں گے۔