صیہونی فوجیوں کے واچ ٹاور کو فلسطینی جوانوں نے نشانہ بنایا
Jul ۲۳, ۲۰۲۳ ۱۷:۳۹ Asia/Tehran
فلسطین کی مزاحمتی فورس کے جوانوں نے رام اللہ میں صیہونی فوجیوں کے ایک واچ ٹاور پر حملہ کیا ہے۔
سحر نیوز/ غالم اسلام: فلسطین کی مزاحمتی فورس کے جوانوں نے اتوار کے روز دیسی ساختہ بموں سے رام اللہ کے شمال میں واقع عابود گاوں کے داخلی راستے پر واقع صیہونی فوجیوں کے ایک واچ ٹاور پر حملہ کیا ہے۔
دوسری جانب صیہونی فوجیوں نے نابلس کے مشرق میں واقع سالم گاوں پر دھاوا بول دیا جس کے دوران ان کی فلسطینیوں سے جھڑپ ہوئی ۔ اس جھڑپ کے دوران صیہونی فوجیوں نے فلسطینیوں پر فائرنگ بھی کی۔
صیہونی فوجیوں نے نابلس کے شمال مغرب میں واقع برقہ قصبے اور طولکرم کے قفین قصبے پر بھی حملہ کیا۔
فلسطین کی وزارت صحت نے اعلان کیا ہے کہ رام اللہ کے شمال میں واقع جلزون کیمپ پر صیہونی فوجیوں کے حملے میں کم از کم دو فلسطینی زخمی ہوئے۔
