SAHAR

غزہ میں فلسطینی مجاہدوں نے ھیرون ٹی پی سے موسوم صیہونی حکومت کے ایک ڈرون طیارے کو مار گرایا ہے۔

سحر نیوز/ عالم اسلام: فلسطین کی جہاد اسلامی تحریک کی فوجی ونگ سرایا القدس نے جنگ کے سینتیسویں روز آج ہفتے کو ھیرون ٹی پی ایتان نامی اسرائیلی فوج کے دیو ہیکل طیارے کو مار گرایا ہے-

صیہونی حکومت کے ایتان ڈرون کے پروں کی لمبائی چھبیس میٹر اور طیارے کی لمبائی تیرہ میٹر ہے، جو ایک مسافر بردار طیارے کے برابر ہے-

یہ ڈرون ایسے میں مار گرایا گیا ہے کہ گذشتہ رات بھی غزہ پر شدید ترین زمینی اور فضائی حملے جاری رہے اور غاصبوں نے بے تحاشا ہسپتالوں کے اطراف میں بمباری کی –

قدس کی غاصب صیہونی حکومت کی بکتر بند گاڑیوں نے بھی بچوں کے ہسپتالوں الرنتیسی اور النصر اور دیگر دو ہسپتالوں کو بھی اپنے محاصرے میں لے لیا ہے۔