صیہونی حکومت معاہدے کی شرائط پر عمل نہیں کرنا چاہتی: تحریک جہاد اسلامی

Jan ۱۸, ۲۰۲۶ ۱۴:۵۱ Asia/Tehran

فلسطین کی مزاحمتی تنظیم تحریک جہاد اسلامی نے کہا ہے کہ وہ غزہ میں امن کمیٹی کے نام سے ایک وفد کی تشکیل پر حیران ہے جس سے ظاہر ہوتا ہے کہ صیہونی حکومت معاہدے کی شرائط پر عمل کرنا نہیں چاہتی۔

سحرنیوز/عالم اسلام: ارنا کی رپورٹ کے مطابق فلسطین کی تحریک جہاد اسلامی نے کہا ہے کہ ہم جنگ بندی معاہدے کے پہلے مرحلے کی شقوں پر عمل درآمد کے لئے پرعزم تھے اور صیہونی حکومت کی جانب سے تاخیر، معاہدے کی عدم تعمیل اور روزانہ کی خلاف ورزیوں کے باوجود ہم نے دوسرے مرحلے میں داخل ہونے کا اعلان کردیا۔

تحریک جہاد اسلامی نے مزید کہا کہ اس کے باوجود معاہدے کے عمل کو کامیابی سے مکمل کرنے تک ٹیکنو کریٹ حکومت کے حوالے سے ہمارا رد عمل اور مصروفیت مثبت تھی لیکن ہم امن کمیٹی کے نام سے ایک نئے ادارے کی تشکیل اور اس میں مذکور ناموں سے حیران رہ گئے، یہ ادارہ اسرائیلی حکومت کے مفادات کی بنیاد پر تشکیل دیا گیا ہے اور یہ ظاہر کرتا ہے کہ معاہدے کی شقوں پر عمل درآمد کا ان کا ارادہ نہیں ہے۔

ہمیں فالو کریں:

قابل ذکر ہے کہ امریکی صدر ڈونلڈ ٹرمپ نے حال ہی میں نام نہاد غزہ امن کمیٹی کے ارکان کا تقرر کیا جس میں ٹرمپ کے داماد جیرڈ کشنر اور برطانیہ کے سابق وزیر اعظم ٹونی بلیئر بھی شامل ہیں۔