SAHAR

فلسطین کی تحریک استقامت سے صیہونی فوج کو کاری ضرب لگی ہے۔

سحر نیوز/ عالم اسلام: ارنا کی رپورٹ کے مطابق فلسطین کی تحریک حماس کے رہنما عزت الرشق نے غزہ میں ایک دن میں دسیوں صیہونی فوجیوں کی ہونے والی ہلاکتوں کی طرف اشارہ کرتے ہوئے کہا کہ جنگ کے آغاز میں کہا جا چکا ہے کہ غزہ کو غاصبوں کے قبرستان میں تبدیل کر دیا جائے گا۔

عزت الرشق نے اس بات کا ذکر کرتے ہوئے کہ جنگ غزہ کا کوئی بھی صیہونی مقصد پورا نہیں ہوا ہے، کہا کہ اس جنگ کا نتیجہ پہلے ہی دن لکھا جا چکا ہے۔

واضح رہے کہ اس حقیقت کا صیہونی ذرائع نے بھی اعتراف کیا ہے کہ فلسطین کی تحریک استقامت سے صیہونی فوج کو کاری ضرب پہنچی ہے اور القسام نے غزہ میں ایک ہی دن میں دسیوں صیہونی فوجیوں کو ہلاک و زخمی کر دیا۔