SAHAR

فلسطین کی تحریک حماس کے فوجی بازو القسام بریگیڈ نے اتوار کی رات اپنے ایک پیغام میں صیہونی حکومت کو مخاطب کرتے ہوئے تاکید کی ہے کہ غزہ میں غاصب صیہونی حکومت کو ہرگز کوئی کامیابی حاصل نہیں ہو سکتی۔

سحرنیوز/عالم اسلام: سما نیوز ایجنسی کی رپورٹ کے مطابق فلسطین کی تحریک حماس کے فوجی بازو القسام بریگیڈ نے ایک پیغام میں صیہونی حکومت کے خلاف سات اکتوبر کی فوجی کارروائی اور اس سلسلے میں صیہونی حکومت کی انٹیلیجینس کی شکست و ناکامی کی طرف اشارہ کرتے ہوئے تاکید کی ہے جو حکومت حماس کی کارروائی کا کچھ پتہ نہیں لگا سکی اور حماس کے حملے کو روکنے میں کامیاب بھی نہیں ہوسکی وہ کامیابی حاصل کرنے کا کوئی دعوی بھی نہیں کرسکتی۔

اس سے پہلے ایک صیہونی مبصر نے اپنے ایک مضمون میں تاکید کی تھی کہ تل ابیب آخرکار جنگ بندی کا سمجھوتہ طے کرنے پر مجبور ہوجائے گا۔