امریکہ غزہ میں غاصب صیہونی حکومت کے جرائم کوکیوں چھپا رہا ہے؟
تحریک مجاہدین فلسطین کا کہنا ہے کہ امریکہ، غزہ میں صیہونی حکومت کے جرائم کو چھپاتا ہے۔
سحر نیوز/ عالم اسلام: تحریک مجاہدین فلسطین نے پیر کو ایک بیان میں کہا کہ غزہ میں صیہونی حکومت کے جرائم امریکہ کی پردہ پوشی اورعالمی اداروں کی خاموشی و ناتوانی کے نتیجے میں انجام پا رہے ہيں ۔
تحریک مجاہدین فلسطین کا کہنا ہے کہ امریکی حکومت اور ذلیل و پست عرب حکومتيں نیز کمزور بین الاقوامی ادارے غزہ میں جرائم و نسل کشی جاری رہنے بالخصوص شفااسپتال پر دوبارہ ہونے والے حملے کے ذمہ دار ہيں ، اس فلسطینی گروہ نے مزید کہا کہ شفا اسپتال پرصیہونی فوجیوں کے حالیہ حملے کے بعد ثابت ہوگیا کہ اس سے پہلے بھی اسپتالوں پرغاصبوں کے حملے بے بنیاد بہانوں سے انجام پائے تھے اور وہ عالمی برادری کی خاموشی کی وجہ سےانجام پائے ہيں ۔
تحریک مجاہدین فلسطین نے دنیا کے تمام حریت پسندوں اور اسلامی استقامتی گروہوں سے مطالبہ کیا کہ صیہونی مجرموں اور ان کے امریکی حامیوں پر اس وقت تک دباؤ بڑھاتے رہیں جب تک غزہ پٹی پر حملے بند نہیں ہوجاتے ۔
