بحرینی استقامت بھی میدان میں، اسرائیل کی ایلات بندر گاہ پر ڈرون حملہ
May ۰۵, ۲۰۲۴ ۱۷:۰۴ Asia/Tehran
بحرین کی اسلامی استقامت کے فوجی بازو سرایا الاشتر نے مقبوضہ جنوبی فلسطین میں شہرام الرشراش میں ایلات بندر گاہ میں ایک اہم ہدف کو نشانہ بنایا ہے۔
سحر نیوز/ عالم اسلام: ارنا کی رپورٹ کے مطابق بحرین کی اسلامی استقامت کے فوجی بازو سرایا الاشتر نے ایک بیان میں اعلان کیا ہے کہ یہ ڈرون حملہ فلسطین کی تحریک استقامت کی حمایت میں انجام پایا اور جب تک فلسطینیوں کا قتل عام اور اس علاقے کا محاصرہ ختم نہیں ہوتا بحرین کی اسلامی استقامت کے فوجی بازو سرایا الاشتر کی اس قسم کی کارروائیاں جاری رہیں گی۔
اس سے قبل منگل کو بھی بحرین کی اسلامی استقامت کے فوجی بازو سرایا الاشتر نے ایک بیان میں اعلان کیا تھا کہ اس نے ایلات بندر گاہ پر ڈرون حملہ کیا ہے۔
