فلسطینی مزاحمت کا بڑا حملہ، ایک اسرائیلی فوجی ہلاک متعدد مرکاوا ٹینک تباہ
فلسطینی مزاحمت نے غزہ کے مختلف علاقوں میں ایک اسرائیلی فوجی کی ہلاکت اور صیہونی حکومت کے کئی مرکاوا ٹینکوں کو تباہ کرنے کی خبر دی ہے۔
سحر نیوز/ عالم اسلام: فلسطین کی تحریک حماس کی فوجی شاخ القسام بریگيڈ نے آج جمعے کو اعلان کیا کہ استقامتی مجاہدین نے ایک صیہونی فوجی کو شمالی غزہ میں جبالیا کیمپ کے ایک گھر میں فائرنگ کرکے ہلاک کردیا -
القسام بریگيڈ نے اسی طرح اعلان کیا کہ شہر رفح میں واقع تبت زارع علاقے میں شواظ بم کے ذریعے اسرائیلی فوج کے تین مرکاوا ٹینکوں کو تباہ کردیا گيا-
فلسطینی مزاحمت نے اسی طرح ایک اور بیان میں کہا ہے کہ ایک مرکاوا ٹینک کو جبالیا کیمپ میں واقع القصاصیب میں، شواظ بم کے ذریعے دھماکے سے اڑا دیا-
تحریک حماس کی فوجی شاخ القسام بریگيڈ نے اپنے ایک اور بیان میں کہا ہے کہ صیہونی حکومت کے مرکاوا چار نامی دو ٹینکوں کو یاسین ایک سو پانچ راکٹ سے، جبالیا کیمپ میں العجارمہ اسٹریٹ پر نشانہ بنایا ہے۔
