لبنانی ذرائع ابلاغ نے پیر کے روز جنوبی لبنان پر صیہونی حکومت کے ڈرون حملے اور اس علاقے میں ایک کار کو نشانہ بنائے جانے کی خبر دی ہے۔

سحر نیوز/عالم اسلام: فارس نیوز ایجنسی کے مطابق لبنانی میڈیا نے بتایا ہے کہ ایک اسرائیلی ڈرون نے جنوبی لبنان میں ایک کار پر حملہ کیا۔

المنار کے نامہ نگار نے اطلاع دی ہے کہ جنوبی لبنان میں سلعا- الشہابیہ کی مرکزی سڑک پر ڈرون حملے میں ایک کار کو نشانہ بنایا گیا۔

لبنانی شہری دفاع کی تنظیم نے بھی اس حملے میں ایک شہری کے شہید ہونے کا اعلان کیا ہے۔

شہید ہونے والے شخص کی شناخت تاحال معلوم نہیں ہو سکی ہے۔