SAHAR

غزہ میں استقامتی فلسطینی محاذ کے حملوں میں کم سے کم تین صیہونی فوجیوں کی ہلاکت کی خبر ہے۔

سحرنیوز/عالم اسلام: فلسطینی ابلاغیاتی ذرائع کے مطابق حماس کی فوجی شاخ القسام بریگیڈ نے غزہ کے علاقے رفح میں صیہونی فوجیوں پر تین کامیاب حملے کئے ہیں۔ القسام بریگیڈ نے ایک بیان جاری کرکے بتایا ہے کہ اس کے جوانوں نے غزہ کے شہر رفح کے القادسیہ اسکول کے قریب ایک عمارت میں مورچہ بند صیہونی فوجی دستے پر ٹی بی جی نوعیت کے راکٹ سے حملہ کیا۔
اس بیان کے مطابق القسام بریگیڈ کے مجاہدین نے اسی طرح مغربی رفح میں کے علاقے تل السلطان میں غاصب صیہونی فوج کے ایک دستے پر بھی ٹی بی جی راکٹ سے حملہ کیا ہے۔
القسام بریگیڈ نے بتایا ہے کہ اس کے مجاہدین نے اسی طرح رفح کے علاقے تل السلطان میں ہی ایک جھڑپ میں کم سے کم تین صیہونی فوجیو کو ہلاک کردیا۔
الفتح تحریک کے فوجی بازو عبدالقادر الحسینی بریگیڈ نے منگل کو ایک بیان جاری کرکے بتایا ہے کہ اس کے جوانوں نے مرکزی غزہ کے نتساریم سیکٹر پر غاصب صیہونی فوجیوں پر دو راکٹ داغے ہیں۔