القسام بریگیڈ کی جوابی کارروائیاں، صیہونی فوجیوں کی بھاری نقصان
حماس کے فوجی بازو القسام بریگیڈ نے جوابی کارروائی میں صیہونی فوج کو سنگین نقصان پہنچایا ہے۔
سحرنیوز/عالم اسلام: فلسطین کی اسلامی استقامی تحریک حماس کے فوجی بازو القسام بریگیڈ نے جنوبی مقبوضہ فلسطین میں صیہونی فوجی چھاؤنی پر اپنے میزائلی حملے کی خبر دی ہے۔ تحریک حماس کے فوجی بازو نے اپنے بیان میں اعلان کیا ہے کہ اس نے صیہونی حکومت کی رعیم فوجی چھاؤنی کو پوری کامیابی سے نشانہ بنایا ہے۔ شہید عزالدین القسام بریگیڈ نے اعلان کیا ہے کہ یہ حملہ کم فاصلے تک مار کرنے والے رجوم میزائل سے انجام دیا گیا ہے۔
رعیم صیہونی فوجی چھاؤنی غزہ کے خلاف جنگ کے لئے خصوصی ڈویژن کے مرکز کے طور پر جانی جاتی ہے جہاں اسرائیلی فوج کے ہرطرح کے ہتھیار و وسائل موجود ہیں اور اس ڈویژن کی اصلی ذمہ داری مشرقی رفح سے لے کر مقبوضہ فلسطین کی زیکیم کالونی تک مصر سے ملحق تمام سرحدوں کو تحفظ فراہم کرنا ہے۔
