SAHAR

رفح شہر پر صیہونی ڈرون حملے میں 2 فلسطینی شہید ہوگئے ہیں

سحر نیوز/ عالم اسلام: صیہونی حکومت نے مشرقی رفح  میں متعدد فلسطینی شہریوں کو ڈرون حملے کا نشانہ بنایا جس کے نتیجے میں 2 افراد شہید ہو گئے۔اس کے ساتھ ہی صیہونی ٹینکوں نے رفح کراسنگ کے ارد گرد کے علاقے پر شدید بمباری کی۔ دوسری جانب بعض ذرائع نے بتایا کہ غزہ  پٹی میں کرم ابو سالم کراسنگ پر ہنگامی سائرن بجائے گئے جس کے بعد صیہونی فوج نے اعلان کیا کہ سائرن غلط شناخت کے نتیجے میں بجائے گئے۔ اتوار کو حماس اور اسرائیل کے درمیان جنگ بندی اور قیدیوں کے تبادلے کے پہلے مرحلے کے اختتام اور غزہ میں جنگ بندی کے دوسرے مرحلے کے لیے مذاکرات میں داخل ہونے سے تل ابیب کے انکار کے چند گھنٹے بعد، صیہونی کابینہ نے غزہ میں انسانی امداد کے داخلے کو روکنے کا فیصلہ کیا ہے۔