شام کے ساحلی شہروں میں علوی برادری کی ہڑتال
شیخ غزال غزال کی اپیل پر لاذقیہ، جبلة، طرطوس، صافیتا، الدریکیش اور مصیاف سمیت علوی اکثریتی علاقوں میں عام ہڑتال کی وجہ سے بازار اور دکانیں بند ہوگئیں۔
سحرنیوز/عالم اسلام: شام کے ساحلی علاقوں میں علوی برادری نے صدر علوی کونسل شیخ غزال غزال کی اپیل پر بڑے پیمانے پر ہڑتال کی ہے۔ اس اقدام کو برادری کے دفاع اور ناانصافی کے خلاف مستقل احتجاجی موقف کے طور پر بیان کیا جا رہا ہے۔
لاذقیہ، جبلة، طرطوس، صافیتا، الدریکیش اور حماہ سمیت علوی اکثریتی شہروں میں عوام نے ہڑتال میں بھرپور شرکت کی۔ شیخ غزال نے دو روز قبل اپنے پیروکاروں کو پانچ روزہ ہڑتال میں شامل ہونے کی اپیل کی تھی۔
ہیومن رائٹس واچ کے مطابق علوی شہریوں کی زیر ملکیت بیشتر بازار اور دکانیں بند ہیں، جو اس اپیل کی وسیع حمایت کو ظاہر کرتا ہے۔ برادری کی جانب سے جاری پیغامات میں اعتصاب کو کرامت اور حق کے دفاع کا تسلسل قرار دیا گیا ہے۔
اسی دوران طرطوس کے شہر الدریکیش میں نامعلوم عناصر نے فرقہ وارانہ اور اشتعال انگیز مواد پر مشتمل پوسٹرز اور نعرے دیواروں اور محلوں کے داخلی راستوں پر آویزاں کئے، جہاں علوی اور مسیحی خاندان آباد ہیں۔
ہمیں فالو کریں:
Followus: Facebook, X, instagram, tiktok whatsapp channel
