SAHAR

یمن کے طبی ذرائع نے صوبہ تعزکی ابترصورتحال پرخبردارکیاہے

قطرکی الشرق ویب سائٹ کی رپورٹ کےمطابق یمن کے طبی ذرائع کا کہنا ہے کہ تعزپرسعودی حکومت کے جارحانہ حملے جاری رہنے اورانسان دوستانہ امداد ارسال نہ ہونے کے سبب سات اسپتالوں میں علاج معالجے کا کام مکمل طور پر ٹھپ پڑگیا ہے-

ان ذرائع نے کہا ہے کہ صوبہ تعزمیں ڈینگی بخارسے مسلسل لوگوں کی جانیں ضائع ہورہی ہیں اوراس بیماری میں مبتلا سیکڑوں افراد موت سے پنجہ آزمائی کررہے ہیں-

 صوبہ تعز میں طبی مراکز میں مریضوں اور زخمیوں کو خون کی بھی فوری ضرورت ہے-
اس سے قبل یمن کی ہلال احمر کمیٹی نے ایک بیان میں کہا تھا کہ صوبہ تعز پر سعودی حملے جاری رہنے کے سبب ضرورت مندوں تک کسی بھی قسم کی انسانی امداد نہیں پہنچ پا رہی ہے-