SAHAR

یمنی فوج اور عوامی رضاکار فورس کی بے مثال کارروائی میں جارح سعودی عرب اور متحدہ عرب امارات کے ایک سو تہتر فوجی ہلاک اور زخمی ہو گئے ہیں

حصاد الیوم ویب سائٹ کی رپورٹ کے مطابق صوبہ مارب کے صقر علاقے میں جارح فوج کے اسلحہ گودام میں ہونے والے دھماکے میں سعودی عرب اور متحدہ عرب امارات کے ایک سو تین فوجی ہلاک اور ستر زخمی ہو گئے ہیں-

باخبر ذرائع کی رپورٹ کے مطابق اس علاقے پر جمعے کو یمنی فوج کے حملے میں سعودی عرب کے ایک سو تین فوجی اور ایجنٹ ہلاک ہو گئے - ہلاک ہونے والوں میں متحدہ عرب امارات کے تیئیس فوجی افسر بھی شامل ہیں-

یمنی فوج کے اس میزائلی حملے میں ستر جارح فوجی زخمی بھی ہوئے ہیں-یمنی فوج اور رضاکار فورس کے جوانوں نے صافر کے علاقے میں بھی جارح سعودی عرب اور متحدہ عرب امارات کے اسلحہ گودام کی جانب ایک توچکا بیلیسٹک میزائل فائر کیا جس کے نتیجے میں ان کے فوجیوں کو بھاری نقصان اٹھانا پڑا-

ان ذرائع کے مطابق اس میزائل حملے میں صافر ھوائی اڈے میں بھی کافی تباہی ہوئی ہے- ھوائی اڈے پر آپاچی ہیلی کاپٹر بھی تعینات تھے جن میں پانچ آپاچی ہیلی کاپٹر پوری طرح جل کر تباہ ہو گئے ہیں-
ان حملوں میں بھاری مقدار میں فوجی ساز و سامان اور بکتر بند گاڑیاں بھی تباہ ہو گئی ہیں-

ہر چند کہ ابھی تک سعودی عرب کی جانب سے اس سلسلے میں کوئی بیان جاری نہیں کیا گیا ہے لیکن متحدہ عرب امارات نے اپنے بیس فوجیوں کی ہلاکت کا اعتراف کیا ہے-