SAHAR

روسی طیاروں نے شام میں دہشت گردوں کے ٹھکانوں پراپنے حملوں کا سلسلہ پیر کو بھی جاری رکھا

روسی وزارت دفاع نے اپنے بیان میں کہا ہے کہ اس کے لڑکا طیاروں نے پیرکو اپنے تینتیس حملوں کے دوران شام کے صوبوں ادلب ، لاذقیہ ، دمشق ،حلب اور حماہ میں دہشت گردوں کے انچاس ٹھکانوں پربمباری کی -

روسی وزارت دفاع کے ترجمان جنرل ایگور کوناشنکوف نے کہا کہ شام میں دہشت گردوں کے ٹھکانوں پر حملوں کے دوران دہشت گردوں کے دسیوں ٹھکانے ، دو کنٹرول روم ، ہتھیاروں کے تین گودام اور ان کی دو زیرزمین پناہ گاہیں تباہ کردی گئیں -

روسی وزارت دفاع کے ترجمان کا کہنا ہے کہ روس کے سوخوئی لڑاکاطیاروں نے ادلب میں جبہہ النصرہ کے ایک کنٹرول روم کو پوری طرح تباہ کردیا ہے جبکہ اسی علاقے میں جبہہ النصرہ کا ڈرون طیارہ بھی مارگرایا گیا -

اس کے علاوہ لاذقیہ، حماہ اور حلب میں بھی داعش کے ٹھکانوں پر شدید بمباری کی گئی -

روسی وزارت دفاع کے ترجمان نے بتایا کہ صوبہ دمشق میں داعش کے ٹھکانوں پر روسی طیاروں کے حملوں کے بعد داعش کے عناصر اس علاقے سے فرار کررہے ہیں