SAHAR

یمن کی عوامی انقلابی تحریک انصار اللہ نے جارحین کے مقابلے میں فوج اور عوامی رضاکاروں کی پیشقدمی کا خیر مقدم کیا ہے۔

انصاراللہ کی پولیٹیکل کونسل کے سربراہ صالح صماد نے اپنے ایک پیغام میں کہا ہے کہ ملک کے مختلف صوبوں میں فوج اور عوامی رضاکاروں کی حالیہ کامیابیاں ، تاریخی اور لائق تحسین ہیں۔ انہوں نے کہا کہ یمن کے عوام نے آٹھ ماہ سے جاری سعودی جارحیت کے دوران صبر و استقامت کا مظاہرہ کرکے دنیا والوں کو حیران کرنے کے علاوہ انہیں ایثار و قربانی کا درس بھی دیا ہے۔

یمن کی عوامی انقلابی تحریک انصاراللہ کی پولیٹیکل کونسل کے سربراہ نے مزید کہا کہ سعودی جارحیت کے مقابلے میں یمنی عوام کامیاب ہونگے۔ انہوں نے کہا کہ یمنی عوام نے اپنی استقامت اور حوصلے سے دشمن کے عزائم کو خاک میں ملا دیا ہے۔