SAHAR

شامی فضائیہ نے ملک کے مشرق میں دہشت گرد گروہ داعش کے آئل ٹینکروں پر حملہ کیا ہے

عراقی ذرائع نے خبردی ہے کہ شام کے جنگی طیاروں نے داعش کے بیس آئل ٹینکروں کو جو دیرالزور کے شہر المیادین کے لئے تیل اسمگل کر رہے تھے میزائلوں سے حملہ کر دیا - شام کے صوبے دیرالزور میں بعض علاقوں پر داعش کا قبضہ ہے جن کو آزاد کرانے کے لئے شامی فوج اپنے حملے جاری رکھے ہوئے ہے -

داعش کے دہشت گرد اپنے زیرقبضہ علاقوں میں تیل کے کنوؤں سے غیر قانونی طریقے سے تیل نکال کر اور ترکی کے تعاون سے اسے اسمگل کرکے اپنی دہشت گردانہ کارروائیوں کے اخراجات پورے کرتے ہیں اس کے علاوہ بھی علاقے کے بعض عرب ممالک منجملہ سعودی عرب اور قطر داعش کی بھرپور مالی مدد کر رہے ہیں -