SAHAR

یمن میں قیام امن کے لئے مذاکراتی فریقوں کے درمیان صلاح و مشورہ جاری رہنے کے باوجود سعودی عرب، بدستور اپنے جارحانہ حملوں اور عام شہریوں کے قتل عام کا سلسلہ جاری رکھے ہوئے ہے۔

المسیرہ ٹی وی کی رپورٹ کے مطابق، سعودی عرب کے بمبار طیاروں نے منگل کی صبح مشرقی عدن کے ایک دیہات آل شمیل پر بمباری کی جس کے نتیجے میں تین بچے جاں بحق اور دو زخمی ہوگئے-

سعودی عرب کے جنگی طیاروں نے پیر کو بھی صراویح کے مشرقی علاقے پر بمباری کی تھی- دوسری جانب یمن کے مفرور و مستعفی صدر منصورہادی کے حامی سعودی عرب کے کرائے کے جنگجؤوں نے مآرب کے ایک دیہات پر حملہ کرکے کئی افراد کو جاں بحق اور زخمی کردیا- سعودی عرب کے کرائے کے جنگجؤوں نے شہرتعزپر مارٹر گولے بھی فائر کئے ہیں جس کے نتیجے میں چھے افراد زخمی ہوگئے-