عراق میں دھماکہ متعدد افراد جاں بحق اور زخمی
-
شمالی بغداد کے التاجی علاقے میں پولیس کے گشتی دستے کے راستے میں بم پھٹنے سے دو پولیس اہلکار جاں بحق اور چار دیگر زخمی ہوگئے۔
عراق کے دارالحکومت بغداد کے شمال میں بم دھماکے میں متعدد پولیس اہلکار جاں بحق اور زخمی ہوگئے-
اردن کی سرکاری نیوز ایجنسی " پترا " کی رپورٹ کے مطابق عراق کے ایک پولیس عہدیدار احمد الساعدی نے کہا ہے کہ ہفتے کی رات کو شمالی بغداد کے التاجی علاقے میں پولیس کے گشتی دستے کے راستے میں بم پھٹنے سے دو پولیس اہلکار جاں بحق اور چار دیگر زخمی ہوگئے-
لبنان کے المیادین ٹی وی چینل نے ایک رپورٹ میں کہا ہے کہ داعش دہشت گردوں نے شمالی عراق کے صوبہ نینوا کے جنوب میں واقع القیارہ شہر کے مضافات میں تیل کے کئی کنووں کو آگ لگا دی -
دوسری جانب خبر ہے کہ امریکہ کے تازہ دم فوجی، ہیلی کاپٹروں کے ذریعے عراق کے صوبہ الانبار کی "عین الاسد " چھاؤنی میں داخل ہوئے ہیں-
امریکہ کے پچاس فوجی مشیر اور افسران بھی، اربیل کے انٹر نیشنل ایئرپورٹ کے راستے سے، موصل کو آزادا کرانے کی کارروائی میں شرکت کے لئے اس شہر میں داخل ہوئے ہیں-
امریکہ نے اس سے قبل چھ سو فوجی عراق روانہ کئے جانے پر اتفاق کیا تھا-
